SHBA ka nisur sulme ndaj 85 objektivave në Siri dhe Irak në përgjigje të sulmit me dron të së dielës së kaluar në një bazë ushtarake amerikane.
Shtëpia e Bardhë fajësoi një grup ombrellë të milicisë të mbështetur nga Irani për sulmin që vrau tre ushtarë amerikanë.
Iraku thotë se sulmet hakmarrëse të SHBA-së do të sjellin pasoja katastrofike për rajonin dhe se civilët ishin në mesin e 16 personave të vrarë. Uashingtoni thotë se forcat e saj kryen sulme ajrore kundër grupeve të milicisë të mbështetur nga Irani me bazë në Irak dhe Siri.
“Përgjigja jonë filloi sot. Ajo do të vazhdojë në kohë dhe vende që zgjedhim,” tha Presidenti Biden në një deklaratë të premten. Irani ka mohuar përfshirjen në sulmin në bazën amerikane, duke i quajtur akuzat “të pabaza” dhe duke thënë se “nuk ishte i përfshirë në vendimmarrjen e grupeve të rezistencës”.
