Ish-zv/kryeministri Arben Ahmetaj ka folur edhe për dosjen “McGonigal”.
I pyetur nëse është takuar ndonjëherë me ish-zyrtarin e FBI-së, Ahmetaj u shpreh se nuk ka pasur të bëjë me të, ndërsa shton se nëse akuzat e ngritura ndaj McGonigal janë të vërteta cënohet siguria kombëtare dhe demokracia.
Pyetje: Edhe një pyetje të fundit, a është takuar ndonjëherë Arben Ahmetaj me McGonigal.
Arben Ahmetaj: Kurrë. Unë jam i llahtarisur nëse ato janë të vërteta. Jo nuk e kam takuar McGonigal, nuk kam pasur të bëj me të. Nuk e dija, jam habitur, por kjo ka të bëjë me naivitetin tim. Nëse ato janë të vërtetë, kemi të bëjmë me cenimin e 4 shtyllave: Siguri Kombëtare, korrupsion, demokraci, korrupsion i një përfaqësuesi të një institucioni elitë amerikan. Nuk e di nëse janë të vërteta. Nuk kam ditur se ka ekzistuar një McGonigal.
Mbaj mend që të thashë se më pyete, çfarë pret pas kësaj interviste. Të thashë, masakrim, persekutim të plotë. Kam vrarë luanin e ngordhur në kafaz në kopshtin zoologjik.
