Bayern Munich kishte finalizuar gjithçka që në dhjetor. Bryan Zaragoza do të bëhej pjesë e bavarezëve që nga vera e këtij vitit, duke u transferuar nga radhët e klubit të Granadës, ku ai lunte titullar përkrah Myrto Uzunit.
Por situata në klubin bavarez ka ndryshuar dhe duke qenë në garë të ethshme si në kampionat, ashtu edhe në Ligën e Kampioneve, për skuadrën e Tuchel ka lindur nevoja e alternativave të rëndësishme. Kështu, klubi iu drejtua Granadës për të mundësuar menjëherë transferimin e futbollistit.
️ Christoph Freund: “Bryan sees his future at FC Bayern – that future is beginning now. We’re very pleased that he’ll strengthen our squad already for the second half of the season.”#ServusBryan #MiaSanMia pic.twitter.com/z2AgEIrozh
— FC Bayern Munich (@FCBayernEN) February 1, 2024
Palët ishin parimisht dakord, por Bayern nuk dëshironte të paguante 4,5 milionë euro që kërkonte klubi spanjoll për ta lënë të lirë futbollistin. Bavarezët rezistuan deri në ditën e fundit të merkatos, por pastaj u dorëzuan.
Gjatë paradites së sotme, ata paguan Granadën dhe lojtari udhëtoi drejt Gjermanisë, ku u prezantua nga klubi si blerja më e re pa u mbyllur merkato e janarit.
