Bayern Munich dëshiron të afrojë menjëherë Bryan Zaragozan në Gjermani.
Megjithatë, Granada, klubi që ka në pronësi kartonin e 22-vjeçarit duket se nuk dëshiron të heqë dorë nga talenti i tyre.
Presidentja e Granadas Sophia Yang foli qartë për mediet spanjolle, ndërsa u shpreh: “Ai ka një kontratë me ne”.
Klubi spanjoll nuk dëshiron ta lejojë talentin të largohet para verës, kur fillon edhe kontrata me Bayernin, ndërkohë vetë mesfushori ka shprehur dëshirën për një transferim te gjigantët gjermanë gjatë merkatos aktuale.
