Ish-ylli i NBA-së, Rajon Rondo, është arrestuar në Indiana të dielën për posedim të paligjshëm të armëve të zjarrit dhe të drogës.
Është gazetari i njohur i NBA-së, Adrian Wojnarowski, i cili ka dhënë lajmin mbi arrestimin e Rondos.
“Ai u ndalua për shkelje të trafikut dhe oficeri ndjeu erë kanabisi, gjë që çoi në kontrollin e makinës në të cilën u gjet një armë, kanabis për përdorim personal dhe mjete droge”, tha një zëdhënës i policisë.
Rondo u dërgua në burg, pas së cilës ai menjëherë kërkoi lirim me kusht dhe të gjitha akuzat ndaj tij janë kundërvajtje.
