Jesse Jane, 43-vjeçarja, aktore e filmave me pullë të kuqe u gjet e vdekur së bashku me të dashurin e saj, Brett Hasenmueller. Dyshohet se të dy kanë vdekur për shkak të mbidozës. Mësohet se policia ka ndërhyrë në shtëpinë e tyre për një inspektim pas kërkesës së punëdhënësit të Bretit, i cili prej ditësh nuk ishte lidhur dot me të. Pasi hynë brenda, policët bënë zbulimin makabër të trupave të pajetë të të dyve.
Është e paqartë se sa kohë saktësisht kishin të vdekur Jesse dhe Brett apo edhe shkaku i saktë i vdekjes së tyre. Mediat amerikane shkruajnë se vdekja mund të lidhet me drogën. Hetimet dhe ekspertiza mjekësore do të japin vendimin përfundimtar, pasi të jenë kryer të gjitha analizat e nevojshme.
Jesse Jane, alias Cindy Taylor, ishte një nga yjet më të mëdhenj porno në vitet 2000. Ajo bëri debutimin e saj me Digital Playground, një kompani e prodhimit të filmave pornografikë, në vitin 2002 dhe pak më vonë, filloi të shfaqej në “Family Business” në Showtime.
Prej andej filloi karriera e saj në industrinë e filmave me pullë të kuqe. Ajo luajti në një sërë filmash të njohur për të rritur si “Piratët” dhe vazhdimin “Piratët II” i cili thuhet se kushtoi rreth 8 milionë dollarë dhe konsiderohet si një nga filmat më të njohur dhe më të shtrenjtë porno.
Jesse Jane u shfaq gjithashtu edhe në Playboy, si një vajzë e kopertinës së një edicioni special ndërsa punoi edhe si drejtuese për dy shfaqjet e njohura live të Playboy TV, “Night Calls” dhe “Naughty Amatore Home Videos”. Ajo ka marrë çmime të shumta, duke përfshirë çmimet AVN disa herë. Në vitin 2011 ajo u konsiderua nga transmetuesi amerikan CNBC si një nga 12 yjet më të njohura të industrisë së filmave porno duke e përcaktuar si “fytyra e pornografisë moderne”
Jashtë argëtimit për të rritur, Jesse Jane ka lançuar disa linja të suksesshme lodrash seksi dhe ka bërë disa paraqitje edhe në filma të zakonshëm, duke përfshirë “Starsky & Hutch”, “Entourage” si dhe në “The Bad Girls Club”. Në vitin 2003 ajo u shfaq në një film në filmin Bayëatch: Ëedding in Haëaii”. Në vitin 2009, ajo mori pjesë në një dokumentar të CNBC të titulluar “Porn: Business of Pleasure”, i cili tregonte se si ishte jeta e saj në prapaskenë dhe larg kamerave. Pasi u tërhoq nga pornografia në vitin 2017, ajo filmoi një skenë të vetme të marrëdhënieve seksuale për kompaninë e prodhimit Blacked në 2019, përpara se të tërhiqej përgjithmonë.
