Gjykata e Posaçme shpalli fajtor ish-anëtarin e Kolegjit të Posaçëm të Apelimit, Ardian Hajdari, për akuzën e “fshehjes së pasurisë”.
Hajdari, i gjykuar pa masë sigurie u dënua me 1 vit burg. Ai nuk rrezikon të shkoje në qeli, pasi gjykata pezulloi dënimin me burg, duke e lënë në shërbim prove për 2 vjet.
Hajdari është kallëzuar penalisht në SPAK për “Falsifikim dokumentash” dhe “Fshehja e të ardhurave” në qershor 2020 nga ish-magjistratët Antoneta Sevdari, Elsion Sadiku dhe Ervin Metalla.
Prej 7 shkurtit 2022, Hajdari është pezulluar nga detyra në KPA, pasi u mor i pandehur nga Prokuroria e Posaçme. Ai u gjykua për veprat penale të “fshehjes së të ardhurave” dhe “deklarimit të rremë të pasurisë”.
Në vendimin final gjykata vendosi pushimin e akuzës për veprën tjetër penale “falsifikimi i dokumenteve” dhe e dënoi ish-anëtarin e KPA-së vetëm për veprën penale të fshehjes së pasurisë.
