Edhe pse ka vetëm një javë e pak që ka nisur edicioni i tretë i “Big Brother Vip”, mbi shtëpinë më të famshme në Shqipëri nuk kanë munguar dronët nga fansat për banorët e tyre të pregeruar.
Këtë të dielë që kaloi mbi shtëpinë e BBV kanë fluturar dy dronë, ku njëri prej tyre ishte për gazetarin e kronikës Elvis Myrta, ndërsa tjetrin banorët nuk arritën ta dallonin se për kë ishte.
Droni që ishte për Elvis Myrtën, mbante një baner në të cilin shkruhej “Super Lisi!”, teksa ndodhej edhe figura e një pande, për shkak se kështu i thërrasin me shaka miqtë e tij gazetar.
Elvis Myrta ndodhej në oborr në momentin kur ka ardhur droni, teksa në atë moment u dëgjua teksa këndonte refrenin e këngës së Ardit Gjebreas: “Ja, ja, ja ku jam!”.
Me siguri droni ka qenë nga kolegët e tij, të cilët kanë dhënë një suport Lisit në fillim të kësaj eksperience në “reality show”. Ai u bë pjesë e spektaklit që natën e parë, teksa ka bërë për vete publikun me batutat e tij.
