Mëngjesin e së premtes është ndërprerë disa minuta qarkullimi i automjeteve në aksin Librazhd – Elbasan.
Shkak është bërë një rënie masive dherash në rrugë, pikërisht në zonën “Kthesa e Murrashit”.
Sipas raportimeve të mediave në një gjatësi rreth 15 metra rruga ishte e mbuluar me inerte e cila vështirësonte kalimin e makinave.
Policia Rrugore ndodhet në vendngjarje për disiplinimin e trafikut. Ndërkohë po punohet për hapjen e shpejtë të aksit rrugor të bllokuar.
Fatmirësisht nuk ka pasur dëme nga rrëshqitjet nga shpati i kodrës së Murrashit.
