Një inspektor policie është arrestuar nga Agjencia e Mbikëqyrjes Policore si i dyshuar për kryerjen e veprës penale “Drejtim i automjeteve në mënyrë të parregullt”. Në pranga është vënë shtetasi Kostandin Llupo, 60 vjeç, me detyrë Oficer i Patrullës së Përgjithshme në Komisariatin e Policisë Divjakë
“Arrestimi i tij u krye pasi rreth orës 11:30, në vendin e quajtur rrethrrotullimi i Plugut, në aksin rrugor Lushnje-Divjakë, duke drejtuar në gjendje të dehur motocikletën e tij është përplasur me automjetin Mercedes Benz, që drejtohej nga shtetasi K. D. Punonjësi i policisë nuk ishte në shërbim në momentin e ngjarjes. Pas kryerjes së testit të alkolit, rezultoi se punonjësi i policisë K. LL. ishte në gjendje të dehur në masën 2.000 mg/l.” -thuhet në njoftimin e autoriteteve
Materialet i kaluan Prokurorisë së Fierit për hetime të mëtejshme.
