Pak kohë më parë u ngritën thashethemet se The Weeknd i kishte dhuruar një veshkë ish- të dashurës së tij, Selena Gomez, për ti shpëtuar jetën.
Gjithçka mori shkas nga kënga “Call out my name”, e publikuar së fundmi nga The Weeknd, ku në vargjet e së cilës thuhej: “Thashë se nuk ndjeva gjë zemër, por gënjeva, unë pothuajse hoqa një pjesë nga vetja ime, për të shpëtuar jetën tënde”. Mesa duket, në këtë lajm s’ka asgjë të vërtetë, por ishte një lëvizje e The Weeknd, për të tërhequr vëmendjen e publikut.
Një burim i afërt me Selena Gomez ka hedhur poshtë këto dyshime për “Daily Mail”, duke u shprehur: “Kjo ishte thjesht një lëvizje e The Weeknd, për të shkaktuar aludime dhe rrjedhimisht për të tërhequr vëmendjen e publikut. Selena nuk e ka transplantuar veshkën nga The Weeknd, nuk do ta bënte kurrë”.
