Kryebashkiaku i arrestuar i Lezhës, Frrok Frrokaj, i akuzuar për shpërdorim detyre lidhur me tjetërsimin e pronave tek Rana e Hedhun ka marrë fjalën sot në Gjykatën e Apelit Shkodër, ku ka kërkuar lirimin nga arresti shtëpiak dhe kthimin në detyrë. Ndër argumentat që ka paraqitur për të hehdur poshtë akuzat për për tjetërsim pronash, Frrkaj ka theksuar se nuk ka asnjë lidhje me personin me mbiemër Frroku të arrestuar gjatë të njejtit operacion policor në Lezhë.
“Kam kërkuar ndryshimin e masës se sigurisë, – tha ai. – Ndjehem totalisht i pafajshem. Atmp vjen i plotesuar dhe nuk plotesohet asnjehere nga bashkia. Jemi thjeshte institucion i ndermjetem ne kete rast. Atmp ne e marrim si te ligjshme dhe te rregullt dhe kalon tek ne me shume per vjeljen e takses sesa per verifikim. Verifikimin nuk e bejme ne.
Qytetari e ka kete dokument, bashkia s’ka te drejte firme. Thjeshte ne i percjellim ne Hipoteke. Atmp firmos 20 deri ne 50 ne dite dhe skemi mundesi te shkojme ne terren dhe nuk kam kompetence.
Nese dikush ka pretendime qe dokumentet jane falso, atehere mund t’i dergoje tek komisioni i dokumentacionit.
Po ashtu, mbiemri Frrokaj s’ka lidhje me mbiemrin Frroku: jane krejt te ndryshme. Asnje nga fisi im s’ka lidhje ne 10 breza me keta persona. Dokumentacioni i ATMP persa i perket hartografise verifikohet nga keshilli i qarkut dhe hartografë privatë me license,” deklaroi kryebashkiaku”.
ARRESTIMI
Frrokaj u arrestua në kuadrin e operacionit policor “Ranishtja 4“ më 16 mars 2018 bashkë me 12 zyrtarë publikë të cilët në bashkëpunim me njëri-tjetrin duke abuzuar me detyrën kanë falsifikuar, tjetërsuar dhe përvetësuar 234,548 m2 tokë shtetërore ranishte në zonën bregdetare Shëngjin, tek vendi i quajtur “Rana e Hedhun”.
Kjo sipërfaqe është shndërruar me dokumenta të falsifikuara nga tokë shtetërore në bregdet, në tokë arë dhe pemtore. Më pas është rregjistruar në Zyrën e Regjistrimit të Pasurisë së Paluajtshe Lezhë (ZRPP), duke përfituar padrejtësisht në interes të tyre dhe personave të tjerë.
Mbi bazën e provave të grumbulluara dhe sekuestruara nga Sektori për Hetimin e Korrupsionit dhe Prokuroria e Rrethit Gjyqesor Lezhë, Gjykata e Shkallës së Parë Lezhë, me vendimin e datës 15 mars 2018, ka vendosur masën e sigurisë personale “Arrest ne burg” për zyrtaret e administratës shtetërore dhe për shtetas të tjerë të cilat janë ekzekutuar për shtetasit:
1. Fran FRROKAJ, 52 vjeç, lindur dhe banues në Lezhë, me detyrë Kryetar i Bashkisë Lezhe.
2. Enver Hafizi, 62 vjeç, lindur dhe banues në Lezhë, me detyrë Nenkryetar i Bashkisë Lezhë
3. Gjok Ndoka, 52 vjeç, lindur dhe banues në Lezhë, me detyrë Kryetar Këshillit të Qarkut Lezhë
4. Adenis Haxhia, 29 vjeç, lindur dhe banues në Lezhë, me detyre jurist pranë Bashkisë Lezhë.
5. Dilaver Neli, 56 vjeç, lindur dhe banues në Lezhë, me detyrë specialist në Drejtorinë e Mbrojtjes së Tokës të Këshilli Qarkut Lezhë,
6. Enkelejd Zefi, 28 vjeç, lindur dhe banues në Lezhë, me detyrë specialist hartograf pranë ZVRPP Lezhë.
7. Pjeter Gjoni, 68 vjeç, lindur dhe banues në Lezhë, përfitues tokë në mënyrë të paligjshme.
Me masën e sigurisë personale “Arrest në shtëpi” për zyrtaret:
1. Gjelina Baca, 58 vjeçe, me banim në Lezhë, me detyrë Drejtoreshë e Drejtorisë së Bujqësisë në Bashkine Lezhë.
2. Juxhina Mema, 25 vjeçe, lindur dhe banues në Gramsh, me detyrë ish- specialiste në Drejtorinë e Bujqesisë në Bashkinë Lezhë
3. Marte Gjergji, 50 vjeçe, me banim në Lezhë, me detyrë topografe pranë Bashkisë Lezhë.
4. Frrok Frroku, 75 vjeç, me banim në Bashkinë Mamurras, ka përfituar tokë në menyrë të paligjshme.
5. Luigj Paloka, 76 vjeç, me banim në Shkodër, ka falsifikuar aktet.
Gjithashtu janë shpallur në kërkim dhe punohet për kapjen e 11 shtetasve, me detyra në ZVRPP, në ish-Komunën Shëngjin apo përfitues tokash në mënyrë të paligjshme.
