Animal Rescue Albania ka denoncuar një rast të helmimit të një qeni në qytetin e Korçës. Sipas kësaj organizate qeni i cili është helmuar, nuk ka qenë qen rruge, por ishte pjesë e një familje të huaj.
Organizata denoncon se bashkia e Korçës ka hedhur në rrugët e qytetit, sasi të mëdha helmi për të vrarë qentë dhe macet.
Shoqata për mbrojtjen e kafshëve i bën thirrje kryebashkiakut Sotiraq Filo, të mos shpërdorojë paratë publike për të blerë helm, por sipas ligjit të kryejë sterilizimin e kafshëve. Animal Rescue Albania publikoi këtë video ku tregohen vuajtjet e qenit Husky.
