Janë zbardhur detaje të reja nga ngjarja e rëndë e regjistruar këtë të hënë në Elbasan, ku një vajzë 17-vjeçare, nxënëse e klasës së 10-të, u hodh nga kati i dytë i gjimnazit “Vasil Kamami”.
Burime bëjnë me dije se e mitura është nga Lushnja dhe ka dy prindër me probleme të shëndetit mendor të cilët e dhunonin. Pasi Policia ka marrë në pyetje shokët e klasës së vajzës, u mësua se ajo ka qenë në gjendje të rënduar psikologjike prej prindërve. Ngjarja dyshohet se ka ndodhur gjatë pushimit midis orëve.
Vajza ka qenë me urdhër mbrojtje e strehuar në një nga qendrat rezidenciale për të mitur në Elbasan. Ajo është regjistruar në shkollë në muajin nëntor të vitit të kaluar.
Mësohet se vajza aktualisht ndodhet në spitalin e Elbasanit. Gjendja e saj shëndetësore është e mirë dhe ndodhet jashtë rrezikut për jetën. Dhuna nga prindërit dyshohet si shkaku i ndërmarrjes së këtij akti ekstrem nga 17-vjeçarja. Disa psikologë po merren me rastin.
Ndërkohë të gjitha institucionet ZVA dhe qendrat rezidenciale kanë marrë urdhër për mos publikimin e rastit pasi vajza është e mitur dhe kontigjent vulnerabël.
