Pas përfundimit të grupeve parlamentarë të PD-LSI, kryedemokrati Lulzim Basha, shprehur se opozita ndodhet pranë qytetarëve të cilët po dhunohen padrejtësisht me urdhër të kryeministrit Edi Rama.
Basha thekson, se protestat do të vazhdojnë derisa kryeministri të tërhiqet nga vendimi i tij për taksën e “Rrugës së Kombit” dhe për çdo rritje takse.
Kreu i opozitë u bëri thirrje qytetarëve që të dalin masivisht dhe të mos lejojnë që kjo qeveri të shkel Kushtetutën dhe të poshtëroj çdo ditë qytetarët.
E keni marrë dhe shpërndarë lajmin ndërkohë. Kemi patur një takim të zgjeruar dhe kemi dalë me një vendim unanim. Në krahë të qytetarëve shqiptarë, të njerëzve të thjeshtë që po vidhen e po poshtërohen nga një bandë kriminale në pushtet. Në krah të kuksianëve që iu grabit buka e gojës. Në krah të shqiptarëve që po goditen nga taksat. Kush kujton se e lëshuam këtë kauzë pasi mbaroi debati parlamentar e ka gabim. Shqipëria është sot në prag humnere, shkaktar është Edi Rama që qeveris me bandat dhe banditët dhe një grusht oligarkësh që iu shet Shqipërinë copë-copë. Mosbindja qytetare nis që këtë javë me refuzimin jo vetëm të taksës së Rrugës së Kombit por çdo takse që ka rritur Edi Rama. Që sonte nis organizimi nga opozita”, deklaroi Basha.
Të njëjtin qendrim ka mbajtur dhe kryetarja e LSI, Monika Kryemadhi e cila tha se protestat do të vazhdojnë derisa shteti të shpëtojë nga kriminelët dhe të dëgjohet fjala e popullit.
“Mosbindja qytetare për taksat do të thotë të heqësh dorën e Ramës nga xhepi i shqiptarëve, do të thotë të heqësh litarin nga qafa e qytetarëve. Duke u mbyllur gojën mediave dhe të varfërve, Rama po instalon diktaturën e drogës. 23 të burgosur janë heronj, që na dhanë mësim edhe ne opozitës. Rama me fjalor rrugaçi i fyeu, gj që deri më sot nuk ka guxuar kush ta bëjë për shqiptarët”, u shpreh kryetarja e LSI, Monika Kryemadhi.
