Opozita është mbledhur sot në tryezën e diskutimeve, ndërkohë mësohet se është përjashtuar bojkoti i Kuvendit, por priten të organizohen një valë protestash.
Në këto protesta do të jenë kundër taksave, kundër grabitjes së shqiptarëve, kundër sundimit nga krimi.
Në lidhje me protestat të cilat vazhdojnë prej disa ditësh në vend, opozita shprehet se kjo nuk kërkon një zgjidhje ekonomike por dhe një zgjidhje politike.
“Vendi qeveriset nga një bandë që grabit, vjedh, plaçkit shqiptarët. Kukësi e tregoi më qartë këtë. Thirrje pa kompleks për mosbindje civile. Të bllokojmë rrugët, thirrje që të mos paguajnë taksat e rritura, taksa e pronës, e Rrugës së Kombit, e ujit, e dritave. Këta po veprojnë si në diktaturë. Ne nuk bëhemi më pjesë e këtij teatri. Stabiliteti i krimit në Shqipëri nuk pranohet. Vetëm demokraci”, mësohet të ketë deklaruar Lulzim Basha.
