Kryetari i zgjedhur i Bashkisë së Himarës, Fredi Beleri mbërriti në varreza për të marrë pjesë në varrimin e gjyshes së tij.
Ai shoqërohej nga forca të shumta policore. Megjithatë, qytetarë të shumtë kishin dalë për ta pritur atë.
Ata e pritën me duartrokitje dhe brohorima. Qytetarët kërkuan lirimin e tij, ndërsa Beleri qëndroi vetëm pak në varreza.
Edhe në momentin që u kthye në furgonin e policisë, ai shoqërohej nga qytetarë të shumtë.
Beleri është arrestuar me dyshimet për blerje votash, në një proces të cilësuar si të stisur nga opozita shqiptare dhe Athina zyrtare.
