Indrit Tuci i është bashkuar Qazim Laçit te Sparta Prague. Sulmuesi 23-vjeçar u transferua nga Lokomotiva Zagreb te skuadra kampione e Çekisë duke firmosur deri në 30 Qershor të 2025. Tuci ka bindjen se do të përshtatet shpejt me ekipin e ri.
@Më pëlqen mënyra se si luan Sparta, ka një lojë shumë taktike dhe mendoj se do të përshtatshëm shpejt, pasi më pëlqen stili i lojës dhe me ndihmën e të gjithëve do të jetë më e lehtë”, tha ai.
Përveç mbrojtjes së titullit kampion Sparta Prague synon të shkojë sa më larg në Europa League ku kundërshtar do të jetë Galatasaray fituesi i këtij trofeu në vitin 2000 kur quhej Kupa UEFA.
“Galatasaray është një ekip i madh, por edhe Sparta është e tillë, por mendoj se mund të fitojmë dhe të kalojmë në turin tjetër të Europa League”.
Mediat shkruajnë se transferimi i Indrit Tucit i kushtoi Sparta Prague 1 milion Euro plus përqindje në rast lëvizje në një tjetër skuadër.
