Një arsenal armësh është gjetur pasditen e kësaj të mërkure në Gramsh.
Kanë qënë disa të rinj ata që kanë gjetur një sasi të madhe granatash dhe arka të konsiderueshme me fishekë, dhe kanë njoftuar menjëherë policinë.
Blutë bëjnë me dije se arsenali i armëve është gjetur në një banesë të pabanuar, ndërsa ende nuk dihet se kush është poseduesi i tyre.
”Në fshatin Çekrezë, në një banesë të vjetër prej guri dhe të pabanuar (pronari i së cilës nuk jeton më), janë gjetur në arka të vjetra, disa granata dhe një sasi municioni luftarak.
Shërbimet e Policisë dhe grupi hetimor kanë shkuar menjëherë në vendin ku janë konstatuar lëndët plasëse, kanë siguruar perimetrin e sigurisë dhe vijon puna për dokumentimin ligjor të rastit”,- njofton Policia.
