Festat e fundvitit mbledhin bashkë të gjithë shqiptarët kudo që ndodhen. Qindra emigrantë u drejtohen aeroporteve dhe pikave kufitare për tu kthyer në atdhe, e të festojnë pranë familjarëve të tyre.
Edhe këtë të dielë në Portin e Vlorës u regjistrua fluks emigrantësh. Raportohet se rreth 1400 pasagjerë, kanë mbërritur në vendin tonë me dy tragetet e linjës Brindisi-Vlorë.
Ndërsa në terminalin e Vlorës policia kufitare ka hapur nëntë sportele për kontrollin e dokumentacioneve që emigrantët mos të presin në radhë.
Edhe në ditën në vijim pritet të ketë fluks në hyrje nga Italia.
