Boksieri neo-zelandez Joseph Paker fitoi me vendim unanim të gjyqtarëve duelin ndaj amerikanit Deontay Wilder, sfidë e zhvilluar në Riad të Arabisë Saudite (118-111, 118-110, 120-108 vendimi i tri gjyqtarëve). Një përballje e madhe mes dy ish-kampionëve të botës në peshën e rëndë, zhvilluar në “Ditën e Llogarisë”.
Parker (34 fitore e 3 humbje) e dominoi duelin dhe meritoi fitoren, ndërkohë që për Wilder kjo ishte humbja e tretë në karrierë (43 fitore e 1 barazim). Duket se lavdia e Wilder, tashmë 38 vjec, ka mbaruar, pasi ka humbur tri nga katër sfidat e fundit (dy herë ndaj Fury).
Edhe pse më i shkurtër, Parker ishte më i shkathët në ring, duke i dhënë disa grushte të fortë amerikanit, që thuajse nuk reagoi asnjëherë në të 12 raundet. Neo-zelandezi ishte më kërkues dhe në raundin e tetë mund ta kishte hedhur Wilder në tapet, por ky i fundit rezistoi.
Parker (31 vjec) fitoi shumicën e raundeve dhe e menaxhoi mirë avantazhin në raundet e fundit, duke mos i dhënë mundësi Wilder të gjuajë dhe kërkoi shpesh duelin trup më trup. Përpjekjet e amerikanit ishin sporadike dhe goditja e fuqishme që prisnin të gjithë mungoi, kjo edhe për meritë të Parker, që nuk i la hapësira.
HOW ON EARTH IS WILDER STILL STANDING! WHAT A SHOT BY PARKER. #WilderParker #DayOfReckoning pic.twitter.com/5Z2j7p84nA
— Lights Out Boxing (@lightsoutboxin) December 23, 2023
