Një javë pas ngjarjes së rëndë në burgun e Peqinit, ku një i dënuar vrau një të burgosur dhe plagosi një tjetër, është emëruar drejtori i ri i këtij institucioni.
Raportohet se Florenc Doka do të zëvendësojë Kamber Hoxhën, i cili ndodhet pas hekurave pas vrasjes që ndodhi në burg, nën akuzën e shpërdorimit të detyrës. Emërimi i Dokës është firmosur nga ministri i Drejtësisë Ulsi Manja, i cili kishte një përgjegjësi jo të vogël në ngjarje.
Doko është prezantuar dje si drejtor i burgut të sigurisë së lartë.
Florenc Doka para disa javësh kishte dhënë dorëheqjen nga posti që mbante në bashkinë e Cërrikut.
