11 të vrarë dhe mbi 20 të plagosur është bilanci i raportuar nga autoritetet policore për sulmin me armë zjarri që që trondit këtë të enjte Pragën të regjistruar në ambientet e fakultetit të Arteve në Universitetin Karlova.
Mes viktimave përfshihet dhe autori i sulmit i i cili vrau veten dhe më pas ra nga lartësia, ndërsa 9 prej të plagosurve janë në gjendje të rëndë shëndetësore.
“Të shtëna në FF UK: Njëmbëdhjetë persona të vdekur, duke përfshirë sulmuesin, nëntë të plagosur rëndë, pesë deri në gjashtë persona me lëndime mesatarisht të rënda, dhjetë të plagosur lehtë. Shifrat mund të ndryshojnë ende. I gjithë sheshi i Jan Palach dhe zona përreth është plotësisht i mbyllur”, shkroi policia në X (ish-Twitter) në orën lokale 15:17.
Siç shihet në foton e mësipërme, autori është identifikuar si David Kozak, 24-vjeç, është i pozicionuar dhe qëllon nga distanca. Në pamje të parë duket se arma është një snajper.
Policia ndërhyri duke evakuar sheshin dhe zonën përreth dhe evakuar universitetin. Policia u bëri thirrje qytetarëve të bëjnë kujdes.
Sipas zëdhënëses së fakultetit Tereza Marková, stafi dhe studentët janë udhëzuar të mbyllen në zyra dhe klasa. Ai nuk ka informacion më të detajuar, madje as për numrin e studentëve dhe punëtorëve që duhet të ishin aty në atë kohë.
“Autori është eliminuar! E gjithë ndërtesa aktualisht është duke u evakuuar dhe në vendngjarje ka disa të vdekur dhe dhjetëra të plagosur”, tha policia më herët.
Sipas raportimit të mediave vendase, thuhet se autori ka hyrë në Fakultetin e Arteve në Universitetin e Pragës, ndërsa në duar mbante armën, që dyshohet ishte snajper. Autori ka kaluar me armën në dorë nëpër korridoret e Fakultetit duke terrorizuar studentë dhe stafin akademik.
Më pas thuhet se ai është ngjitur në katin e katërt, ku dhe dyshohet se ka qëlluar prej së largu. Nxënësit të kapur në panik kanë tentuar që të shpëtojnë duke u fshehur jashtë dritareve, në parvaze, apo edhe duke tentuar të zbresin nga ballkonet.
