Heroi i Partizanit, Arinaldo Rrapaj foli për MCN pas fitimit të Superkupës ndaj Egnatias e cila erdhi falë golit të tij në minutën e 38-të.
Rrapaj u shpreh i kënaqur për trofeun dhe golin e realizuar, ndërsa thekson se titujt për Partizanin janë traditë e klubit.
“Mbas çmimit isha i gëzuar dhe tani jam akoma më i lumtur. Ky gol vjen si për fat pas Topit të Artë. Kjo ishte më e rëndësishme, të fitonim Kupën. Jam i lumtur, shoh djemtë në sy dhe e kuptoj që ishte një gol i rëndësishëm.
Objektiv ishte të rikthehenim te fitorja dhe të fitonim kupën pasi kjo është traditë e këtij klubi. Ndeshjen e shfrytëzuam mirë, e detyruam kundërshtarin të gabonte dhe fatmirësisht isha unë ai që dërgoi topin në rrjetë.”
