Dhjetëra persona, kryesisht familjarë të të arrestuarve për protestën e ditës së djeshme në Rrugën e Kombit janë mbledhur përpara selisë së Drejtorisë së Policisë së Kukësit.
Ata janë shoqëruar nga deputetë të opozitës, të cilët kanë hyrë në ambientet e policisë.
Banorët shprehen se do të protestojnë deri në lirimin e familjarëve të tyre.
Gazetari i Ora News, Mariglen Mullai tha se para drejtorisë së Policisë janë mbledhur qindra persona.
Pesë deputetë të PD-së si dhe Sekretari i Përgjithshëm Arben Ristani ndodhen sot në Kukës, shoqëruar edhe nga tre deputetë të LSI-së.
Deputetët e opozitarë që ndodhen sot në qytetin verilindor, janë: Flamur Noka, Edmond Spaho, Isuf çela, pjesë e komisionit të Sigurisë. Atje ndodhen edhe deputetët Romeu Gurakuqi, Izmira Ulqinaku. Ish-deputeti Alban Zeneli.
Në radhët e deputetëve të LSI-së, që kanë shkuar në Kukës, janë: Endrit Braimllari, Përparim Spahiu, Floida Kerpaçi dhe Nora Malaj.