Chelsea kualifikohet për në fazën tjetër të EFL CUP, pasi eleminoi Newcastle në fazën çerekfinale pas goditjeve të 11-metërshave.
Në barazim 1-1 përfundoi koha e rregullt. “Qymyrxhinjtë” morën avantazhin të parët që në 15 minutat e para, pasi Wilson dërgoi topin pas shpinës së portierit Djordje Petrovic duke përfituar nga një gafë e pashpjegueshme e mbrojtjes vendase.
Sulmuesi shqiptar Armando Broja u aktivizua në minutën e 32-të dhe menjëherë tregoi klasin. Broja shënoi në minutën e 37-të me një parabël, por goli u anulua, për shkak se u konsiderua si pozicion i parregullt.
Chelsea 0-1 Newcastle – Armando Broja goal disallowed for offside
byu/Woodstovia insoccer
Lojtari kuqezi shkaktoi panik në portën kundërshtare edhe në shtesë të fraksionit të parë, gjithsesi, ai nuk e shfrytëzoi dot si duhet mundësinë e dhënë. Në vendin dhe kohën e duhur, “gardiani” Dubravka nuk e pati të vështirë të ndalonte atë gjuajtje të Brojës.
Në pjesën e dytë te Chelsea debutoi Nkunku, sulmuesi i ardhur nga një dëmtim relativisht i gjatë. Londinezët insistuan për golin e barazimit dhe e gjetën atë vetëm në fund me Mudryk.
Nga pika e bardhë më të saktë u treguan lojtarët e Chelseat, që tashmë shkojnë në fazën tjetër.
CHELSEA-NEWCASTLE | SHIKO GOLAT DHE PENALLTITE
