Këshilli i Mandateve ka dhënë autorizimin për heqjen e imunitetit të Sali Berishës, në mënyrë që SPAK të kërkojë në gjykatë masën arrest me burg ose arrest në shtëpi për të, pasi nuk iu bind masës së parë detyim paraqitje.
Ish prokurori Eugen Beci, i ftuar në emisionin “Të Paekspozuarit” në MCN TV, tha se në rast se Berisha do të thyejë masën e arrestit në shtëpi, atij thjesht do t’i shtohet një vepër tjetër penale.
Pjesë nga biseda:
Pyetje: Berisha mund të shkojë në arrest shtëpie. Ç’ndodh nëse doktori del jashtë? Se ai nuk bindet për këto punë. Arrest me burg nuk e merr dot prej moshës. Ç’ndodh?!
Eugen Beci: “Gjykata kur cakton masën e sigurimit, cakton edhe kushtet dhe kriteret, me policë apo pa policë, kë mund të takojë, etj. Gjykata e vendos këtë”.
Pyetje: Doktori mund të thotë përshembull do të takoj Flamur Nokën. Si i bëhet? Po sikur doktori të mos shkojë në shtëpi por në seli?
Eugen Beci: “Ai duhet të deklarojë banesën ku do të qëndrojë, duhet ose çertifikatë pronësie ose kontratë qiradhënie. Nëse Berisha del, do të thotë që ti shtohet një vepër tjetër penale. Fatkeqësisht do të marrin edhe policët për shpërdorim detyre”.
