Manchester City shihet si favorit për të mbrojtur titullin e fituar në Champions League, pas shortit të favorshëm të 1/8-ave.
Kampionët e Anglisë dhe Europës do të përballen më Copenhagen-in modest në raundin pasardhës të kompeticionit më të rëndësishëm europian për klube.
Pas shortit të hedhur në Nyon këtë të hënë, superkompjuteri i OLBG ka përdorur algoritmin për të parashikuar fituesin e këtij edicioni.
Sipas përllogaritjeve të bëra, skuadra e Pep Guardiola-s ka 49% të mundësive për të triumfuar. Pas “Qytetarëve” vijnë Bayern Munich me 18% dhe Real Madrid me 14%.
Në vendin e katërt është Arsenal me 10%, të ndjekur nga Barcelona dhe PSG me 4%.
Inter, Atletico Madrid dhe Dortmund kanë 1% të mundësive për të fituar, ndërsa nuk kanë asnjë mundësi ekipet e tjera të mbetura.
