Tirana dhe Vllaznia masin forcat në “klasiken” e futbollit shqiptar ditën e sotme në “Selman Stërmasi” me takimin që starton në orën 13;30.
Gjithsesi duket se masat e sigurisë në stadium janë më shumë seç pritet.
Kjo gjë ka ardhur si pasojë e frikës nga një përplasje e mundshme mes tifozëve të të dyja skuadrave.
Duket se kjo gjë ka ardhur si pasojë se gjakrat mes të dyja tifozerive janë ndezur më shumë pas dhunës që ndodhi disa javë më parë në sfidën e futbollit të femrave mes Tiranës dhe Vllaznisë, por edhe pas sherrit mes tifozëve në ndeshjen e 7 tetorit të luajtur mes skuadrave në Kukës.
Tifozët e të dyja skuadrave u përplasën në një pikë karburanti në Reps të Mirditës teksa po ktheheshin pas përfundimit të ndeshjes.
