Feti Ismaili, 61 vjeç, është personi që humbi jetën mëngjesin e djeshëm në Borghetto – Itali. Ai u rrëzua nga skelat në godinën ‘Turquoise’ që po i nënshtrohen një projekti të madh rinovimi dhe rizhvillimi energjetik, duke gjetur vdekjen e menjëhershme.
Shkaqet ende nuk janë zbardhur dhe është urdhëruar autopsia e viktimës. Nuk mund të përjashtohet as mundësia e një sëmundjeje që më pas çoi në rënie.
Një hetim ka nisur lidhur me ngjarjen.
Ismaili ishte zejtar, pronar i një kompanie të vogël në sektorin e ndërtimit.
