Kreu i agjencisë së OKB-së për refugjatët palestinezë, Philippe Lazzarini,në një deklaratë për mediat u shpreh se civilët në Rripin e Gazës po durojnë “ferrin në tokë”.
Sipas OKB-së shpërndarja e ndihmave në pjesën më të madhe të territorit është ndalur kryesisht për shkak të intensitetit të luftimeve dhe kufizimeve në lëvizjen përgjatë rrugëve kryesore.
“Njerëzit janë kudo, jetojnë në rrugë, kanë nevojë për gjithçka. Ata luten për siguri dhe për t’i dhënë fund këtij ferri në tokë. Agjencia jonë po kalon një situatë të vështirë”, ka shkruar Lazzarini në një postim në platformën ‘X’.
