Kreu i PBDNJ-së, Vangjel Dule, në një deklaratë për mediat pasi GJKKO rrëzoi kërkesën e Fredi Belerit për t’u betuar si kryebashkiak i Himarës, tha se ky vendim ishte paralajmëruar nga Rama javën e kaluar.
Dule shprehet se çështja Beleri është vetëm një kakofoni në drejtësi, ku orkestra dhe interpretimi realizohet nga kryeministri i vendit.
“Një vendim i paralajmëruar. Kryeministri i vendit, i parapriu javën e kaluar vendimit të gjykatës me verdiktin e tij.
Keqardhje për Republikën tonë, demokracinë tonë dhe drejtësinë tonë.
Ceshtja Beleri është vetëm një kakofoni në drejtësi, ku orkestra dhe interpretimi realizohet nga kryeministri i vendit.
Beleri i privohet e drejta kushtetuese prej 7 muajsh dh cdo qytetari të Himarës i privohet e drejta për të zgjedhur.
Rama kërkon me cdo kusht të mbajë në krye të bashkisë së Himarës, një kryetar të pavotuar, me qëllim që të vazhdojnë aferat korruptive, që kanë për synim tjetërsimin e statusit pronësor, në favore klienteliste.
Kjo nuk është në ndërhyrje në punët e drejtësisë, është një mendim që secili mund ta shprehi”, tha Dule
