Shtangisti nga Shtërmeni i Cërrikut, Briken Calja i cili shkëlqeu në Europianin e fundit është pritur si hero në qendër të qytetit të Cërrikut. Me qindra banorë të qytetit dhe fshatrave të kësaj bashkie ishin mbledhur që në orët e para të mbrëmjes në sheshin kryesor të qytetit dhe kane pritur në orën 22:15 kampionin me të ri të Evropës Briken Calja duke festuar këtë sukses te jashtëzakonshëm të tij.
Ndryshe nga herët e tjera autoritetet shtetërore dhe drejtues te Federatës Shqiptare ta Peshëngritjes nuk janë shfaqur na Rinas për t’i bëra pritjen dinjitoze qa meriton. Por nderimet atij ja ka bërë Komuniteti i Cërrikut dhe kryebashkiaku Altin Toska.
Briken Calja u ka shprehur mirënjohjen dhe i ka garantuar se do fitojë edhe tituj të tjerë. Calja e nisi dhe e përfundoi në mënyrë të shkëlqyer garën e tij rumune. Ai pati sukses në 141 kilogramë, pesha më e madhe të cilën nuk e tentoi asnjë në provën e parë. Peshëngritësi Bruken Calja e përmirësoi bilancin edhe pse ishte i pari në renditje, duke ngritur 143 kilogramë në tentativën e dytë në pedanë.
Briken Calja arriti të ngrinte 146 kilogramë në provën e tretë duke entuziazmuar të pranishmit që ndiqnin garat. Briken Calja e nisi i avantazhuar edhe garën në shtytje me 171 kilogramë mbi supe. Ai fitoi tri medalje të Arta përkatësisht 146 kg në shkëputje 175 kg në shtytjes, ndërsa në total 321 kg.
