Miliarderët të cilët janë përfshirë në skandalin e Panamasë nuk i fshihnin paratë e tyre në vende që shpesh i kemi dëgjuar Zvicër apo Luksenburg, por në Dubai, ishujt Sejçele, Singapor apo Hong Kong.
Këto janë vendet e parajsave të reja fiskale që janë zbuluar.
Sipas Gabriel Zucman, nga Universiteti i Berklit, shifrat e miliarderëve të depozituara në këto parajsa fiskale shkojnë në 7 trilionë e 600 miliardë dollarë. 8 përqind e pasurisë botërore.
Sipas Zucman vendi më i çuditshëm ku miliarderët kanë depozituar shumat e tyre të parave është SHBA.
SHBA është ngjitur nga vendi i gjashtë në vendin e tretë përsa i përket depozitave offshore. “Shumë njerëz i depozitojnë paratë në Zvicër dhe më pas i transferojnë në SHBA”, ka thënë analistja Alcie Rokhar për Bloomberg. Por edhe nga SHBA kanë lëvizur shuma të mëdha në parasja të tjera fiskale. Sipas analistes, 2 trilionë e 400 miliardë dollarë kanë dalë nga SHBA për t’u depozituar offshore. Gjithçka për të shmangur taksat, dhe shtetin.
Parajsat e reja fiskale, zbulohen vendet ku fshihnin paratë miliarderët
Lajme të lidhura
TË GJITHA
