Nga Boldnews.al
Tirana është qyteti që gjeneron gjysmën e ekonomisë së vendit, por edhe shumicën e vendeve të punës. Kështu deklaroi kryebashkiaku Erion Veliaj në çeljen e Panairit të Punës dhe Edukimit në Pallatin e Kongreseve, ku ai shpalli mbi 3 mijë vende të lira pune, nga rreth 60 kompani dhe biznese të ndryshme që merrnin pjesë. Por, krejt ndryshe nga sa deklaroi Veliaj, këtë vit, panairi i “Punës dhe edukimit” nuk mbushi dot as katin e parë të Pallatit të Kongresve. Shumica e kompanive pjesëmarrëse në panair, ishin universitetet private, që kërkonin të rekrutonin studentë të rinj pranë tyre dhe jo mundësi punësimi. Edhe me pse kishte mbështetjen e Dhomës së Tregtisë dhe Industrisë, sivjet bizneset vendosën ta braktisnin Erion Veliajn.
Ato pak kompani që ngritën stendat e bën për miqësi, duke pranuar se në panair nuk gjetën asnjë kandidatë që plotësonte kriteret për punësim, pasi ai u mbush vetëm paraditeve me nxënësit e shkollave dhe studentë. Pas vizitës në ditën e dytë të panairit, ministrja e Arsimit, Lindita Nikolla, urdhëroi të gjitha shkollat e Tiranës që të çonin nxënësit në panairin e dështuar të Lali Erit, ku nuk po dukej asnjë këmbë vizitori. Përfaqësues kompanish private, pohojnë se të premten ka pasur vetëm nxënës që kanë vizituar stendat, duke u shndërruar në panair shkollash dhe jo punësimi. Të vetmet kompani që kanë pasur të interesuar për punë kanë qenë ato të call-centre.
Ndërsa bankat e po kështu edhe kompanitë e shërbimeve celulare kanë mbledhur thjesht CV. Mungesa e interesit bëri që disa kompani, ende pa u mbyllur panairi të nisnin heqjen e stendave të tyre. Edhe Kryeministri Edi Rama, që prej ditësh po u bën presion drejtorëve të Shërbimeve të Punësimit të gjejnë vende pune së pari për 25 mijë të përjashtuarit nga skema e ndihmës ekonomike, ndryshe nga vitet e mëparshme, nuk e vizitoi Panairin “Work and Study”. Për të gjitha këto arsye, kryebashkiaku Erion Veliaj nuk u duk më në panair, që pas disa minutave në ditën së parë të hapjes së tij, sepse edhe në këtë rast ai nuk mund të bënte dot një bilanc me mbyllje të sukseshme. Panairi “Work and Study” jo vetëm që nuk ofroi asnjë mundësi punësimi, por si shërbeu dot as Lali Erit.
