Një shtëpi muze në qytetin e Vlorës është kthyer në një qendër prostitucioni e të droguarish.
Ka qenë shqetësimi i banorëve afër kësaj shtëpie, e vlerësuar muze, të cilët kanë denoncuar se në të ushtronin aktivitetin e prostitucionit disa persona. Ajo sipas banorëve ishte kthyer në një kontigjent kriminal.
Shtëpia muze ndodhet jo më larg se 100 m nga bashkia e Vlorës, por edhe shumë afer rrugës muze Justin Godart, tashmë është kthyer në qëndër për të droguarit. E njohur si pronë e Osman Haxhiut, ish prefekt i Vlorës në kohën e Ismail Qemalit është shpallur shtëpi muze ne vitet 70. Kjo godinë e cila, siç duket dhe nga pamjet nuk mund të quhet më e tillë por një kosh i madh mbeturinash. Shqetësimi që përcjellin banorët e kesaj lagje, është se përvecse mbeturinave, kjo godinë është kthyer në qëndër të prostitucionit dhe drogës. Në brendësi të saj shikon me qindra shiringa të hedhura nga përdoruesit, që janë burim infeksionesh për banorët, por sidomos për fëmijët e shkollës 4 Heronjtë e cila ndodhet ngjitur kësaj godine. Banorët shprehin shqetesimin e tyre për këtë vater infeksionesh, por edhe fëmijët që luajnë dhe kanë shkollën afër janë të trembur pasi shpesh herë kanë parë dhe veprime të turpshme nga të rritur.
Edhe pse shpesh herë këta banorë kanë ngritur shqetësimin
Tek institucionet përkatëse, ende nuk ka një reagim për parandalimin e kësaj situate.
