Kanë përfunduar 2 sfidat e orës 18:00 të vlefshme për fazën e 1/16-ve të Kupës së Gjermanisë.
Bayer Leverkusen ka bërë detyrën ndaj Paderborn duke fituar me rezultatin 3-1 dhe duke u kualifikuar në 8 skuadrat më të mira.
Golat për “Aspirinat” u shënuan nga Victor Boniface (12’), Exequiel Palacios (28’) dhe Patrick Schick (87’). Goli i vetëm për skuadrën e Florent Muslijës dhe Filip Bilbijës u shënua nga Sebastian Klaas.
Ndërkohë nga ana tjetër vijon ëndrra e Saarbrucken, të cilët pasi shtangën këdo me eliminimin e Bayern Munich, këtë herë kanë bërë një tjetër surprizë duke fituar pastër 2-0 ndaj Eintracht Frankfurt.
Suksesi i skuadrës që garon në divizionin e tretë të futbollit gjerman erdhi falë golave të Kai Brunker (64′) dhe Luca Kerber (78′) në pjesën e dytë, ndërkohë që VAR-i i anuloi vendasve një gol në pjesën e parë të takimit.
Skuadra udhëtuese e mbylli sfidën me dhjetë lojtarë pas daljes me të kuq të Noel Futkeu (83’).
