Ajo është një ndër moderatorët më të njohura në Shqipëri. Fjalën e kemi për Rudina Magjistarin, e cila ditën e djeshme është revoltuar tej mase, duke e bërë publike edhe në rrjetin social.
Moderatorja sharmante ka postuar një foto nga një sanduiç i blerë në një lokal të njohur në Tiranë, buka e të cilit është e mykur.
“Ja çfarë me ndodhi sot rreth orës 15:00 në një nga kafenetë zinxhir të famshme të Tiranës, e që edhe në paketim pretendon për ushqim të freskët!
S’po e bej publik emrin e kompanisë, sepse ata e dine cilët janë. Por nuk mund te mos i ndaja me ju këto pamje, sepse edhe tani qe e kujtoj me vonë revoltohem nga fillimi.
SKANDALOZE!!! Sepse në këtë gradë qe ishte myku në sanduiç sot, me bën të dyshoj që nuk është çështje rastësie dhe thjesht me një ndjesë formale, unë dyshoj se vërtet i vret ndërgjegjja. Uroj që ky postim ti ndërgjegjësojë më mirë”, – ka shkruar Rudina në Instagram.
