Aktorja turke, Tuba Buyukustun, është bërë shumë e njohur në Shqipëri me rolin e Syhan në ‘Xhesuri dhe e Bukura’. Përveçse është një nga aktoret më të njohura edhe në Turqi, Tuba di gjithmonë se si të tërheqë vëmendjen në daljet e saj publike.
Ditën e djeshme ajo është shfaqur për herë të parë krah për krah përballë kamerave dhe gazetarëve me partnerin e saj të ri, Umut Evirgen. Përveç kësaj bëri përshtypje edhe veshja e aktores 35-vjeçare, sepse ndryshe nga herët e tjera që zakonisht zgjidhte një veshje transparente, këtë radhë ishte më e mbuluar se kurrë. Vetëm një vit më parë Tuba i dha fund martesës së saj me Onur Saylak me të cilin ka dhe dy vajza. /revistawho.com
