Shqipëria mbylli muajin nëntor me dy ndeshje, ato ndaj Moldavisë dhe Ishujve Faroe, sfida të vlefshme për kualifikueset e “Euro 2024”, të cilat u mbyllën në barazim, respektivisht 1-1 dhe 0-0.
Kaq ka mjaftuar që pozicioni i kuqezinjve të zbresë tri vende më poshtë, krahasuar me renditjen e muajit tetor. Të besuarit e Sylvinhos tani renditen në vendin e 62-të, ndërkohë që më pare pozicionoheshin në vvendin e 59-të.
Nga ana tjetër, ajo që përfiton plot katër pozicione është Kosova. Dardanët në nëntor fituan me Izraelin, barazuan me Zvicrën dhe humbën me Bjellorusinë. Kështu, Kosova nga vendi i 105-të, tashmë ka kaluar në vendin e 101-të.
