Është përkeqësuar situata nga reshjet e borës në qarkun Kukës.
Përveç reshjeve të dëborës, problemi më i madh është mungesa e borëpastrueseve dhe dështimi i institucioneve shtetërore në mirëmbajtjen dhe mbajtjen hapur të rrugëve kryesore.
Siç bëhet e ditur, të gjitha akset në Kukës paraqesin probleme në lëvizje. Në aksin rrugor Kukës-Bicaj-Bushtricë mungon borëpastruesja.
Bora arrin 25 cm në rrugë, shumë automjete ngelin në akull, drejtuesit e automjeteve në ‘luftë’ me borën.
Banorët pohojnë se vetëm në mëngjes ka lëvizur borëpastruesja. Rruga Kukës Peshkopi krahas rrugë nacionale, lidh edhe 5 njësi administrative.
