Janë zbardhur detaje të reja nga përplasja me armë zjarri e regjistruar mesditën e sotme, rreth orës 13:30, në trotuarin e lagjes “Xhami” në Peqin.
Sipas autoriteteve policore, në përplasje me armë janë përfshirë shtetasit Leonard Elezi, 50 vjeç dhe Adriatik Ceka, 40 vjeç, të dy të shpallur në kërkim nga Policia, e cila po punon për kapjen e tyre.
Burime bëjnë me dije se uniformat blu kanë sekuestruar mbi 20 gëzhoja të dala nga dy armë të ndryshme, një automatik model 56 si dhe një pistoletë. Nga kqyrja e pamjeve filmike shihet se ka patur shkëmbim zjarri për rreth 5 minuta mes dy autorëve, teksa kanë qenë me fat disa kalimtarë të cilët kanë mundur të hyjnë tek një bllok pallatesh, i cili ndodhet pranë vendngjarjes.
I pranishëm në vendin e ngjarjes ka qenë dhe kryebashkiaku i Peqinit, Bukurosh Maçi. Mësohet se fillimisht, ka qenë ky i fundit i cili është konfliktuar me shtetasin Adriatik Ceka. Më pas, ka ardhur Leonard Elezi, kunati i krybashkiakut Maçi, duke i dalë në mbrojtje dhe ka ndodhur përplasja me armë.
Nga kqyrja e pamjeve filmike rezulton se nuk është qëlluar në ajër por drejt.
