Të shtëna me armë zjarri janë raportuar pak më parë në Peqin. Një konflikt mes dy personave ka degjeneruar me përdorimin e armës. Mësohet se njëri prej tyre i identifikuar tashmë nga policia ka qëlluar në ajër.
Fatmirësisht, nuk ka të lenduar.
Ndërkohë, raportohet se njëri prej personave të përfshirë në konflikt është me precedent penal.
“Rreth orës 13:30, në lagjen “Xhami”, dyshohet se gjatë një konflikti për motive të dobëta, ndërmjet shtetasve L. E., 50 vjeç dhe A. C., 40 vjeç, dyshohet se ky i fundit ka qëlluar me armë zjarri, në ajër. Nga të shtënat nuk ka shtetas të dëmtuar.
Menjëherë pas njoftimit, shërbimet e Policisë kanë shkuar në vendngjarje dhe vijojnë krehjen e zonës, me qëllim kapjen e shtetasve L. E. dhe A. C.”– njofton policia.
Ndërkaq, grupi hetimor po punon për sqarimin e rrethanave të rastit.
