Para pak kohësh është publikuar një video ku protagoniste në të ishte edhe modelja Trejsi Sejdini. Në këtë video Trejsi së bashku me grupin e saj shoqëror kanë goditur një djalë në Elbasan. E penduar për këtë veprim të pahijshëm, Trejsi Sejdini e ftuar në emisionin “Top Show Magazine”, kërkoi falje publike kundrejt publikut dhe personit në fjalë. Ndër të tjera ajo tregoi se publikimi i kësaj videoje e ka penguar shumë në shkollë dhe karrierë.
“Kjo video nuk ka asnjë justifikim, unë jam e penduar për atë veprim. Sot jam këtu për ti kërkuar ndjesë gjithë publikut, njerëzve që e kanë parë videon dhe personit në fjalë të cilit i kam kërkuar ndjesë që në fillim. Gjesti më i ulët që mund të bëjë një njeri është të përdori dhunë në këtë mënyrë dhe për më tepër ta filmojë. Kur ka ndodhur kjo ngjarje unë isha fëmijë 13 vjeçe dhe kisha parë dhunë ngado në shkollë, rrugë, institucione apo familje. Nuk po përpiqem të justifikohem thjesht po përpiqem të tregoj rrethanat. Pasi ka ndodhur kjo gjë mua më erdhi shumë keq kur e pashë djalin në atë gjendje, sinqerisht nuk e kisha menduar se do të arrinte deri aty. Marrëdhëniet e tij me grupin tim nuk kanë qenë të mira pasi ishte ai i pari i cili na ka ofenduar ne në ‘Facebook’. Gjithsesi mua më vjen turp për këtë veprim dhe realisht nuk mund ta besoj që e kam bërë një gjë të tillë.”
