Një shqiptar është plagosur me armë zjarri në Katalonjë të Spanjës. Sipas mediave vendase ngjarja ka ndodhur në zonën e Montalegre, ngjitur me unazën e Dalt, B-20, në Badalona të Barcelonës.
Hetimi për këtë rast është marrë përsipër nga skuadra speciale “Mossos”, e cila dyshon se atentati ka lidhje me trafikun e drogës.
I riu shqiptar ka marrë plagë në këmbë, teksa identiteti i tij nuk bëhet me dije për motive hetimore.
Skuadra Mossos ka marrë deklaratën e të plagosurit, i cili shprehet se bëhet fjalë për një grabitje dhe jo për hesape të pambyllura për trafikun e drogës.
I plagosuri është transportuar në spital dhe ndodhet nën kujdesin e mjekëve.
“Pothuajse të gjitha vrasjet e kryera me armë zjarri në Katalonjë lidhen me drogën. Shumica e të huajve të arrestuar për marijuanë janë me kombësi shqiptare, të ndjekur nga kombësia marokene”, shkruajnë mediat spanjolle.
