Dita-ditës, fenomeni shqetësues i dhunës po kthehet në normalitet në Shqipëri. Kjo pasi dhunën e gjejmë të pranishme kudo; në shtëpi, shkolla, rrugë, institucione dhe jo vetëm.
Dhunuesit janë të ndryshëm, burra, gra, të moshuar, të rinj por edhe fëmijë.
Duke u ndalur tek këta të fundit, JOQ ka publikuar pamjet e rënda të një sherri mes disa të miturve. Në video mund të shihet qartë se si disa të mitur pasi debatojnë dhe ofendojnë njëri-tjetrin, rrihen edhe me grushte.
Njëri prej tyre godet një të mitur disa herë me grushte, ndërsa të tjerët përpiqen t’i ndajnë. Shqetësuese është edhe fjalori banal që të miturit përdorin ndaj njëri-tjetrit.
Ende nuk dihet shkaku i këtij sherri, por shpresojmë që prindërit dhe policia të reagojë pas këtyre pamjeve shqetësuese.
