Dinamo do të luajë ndeshjen e javës së 13-të ndaj Erzenit, takim që starton në orën 17:00 në “Niko Dovana”. Një duel mjaft i rëndësishëm për të dyja skuadrat që nuk kanë rrugë tjetër veçse fitores.
Dritan Mehmeti prej javësh po përgatit ekipin për këtë duel, ndërsa kërkojnë të “shkelmojnë” krizën në të cilën ndodhen. Lajm i mirë për Mehmetin janë rikthimi i lojtarëve nga dëmtimi.
Ndaj shijakasve rikthehen Rustem Hoxha dhe Fatjon Andoni dhe tashmë për fatin e mirë të timonierit të “Bluve” lojtart do të mund të përdoren dhe të japin kontributin e tyre në ndeshjen e ditës së nesërme.
Kujtojmë se “Nëndetësja” ndodhet në vendin e fundit me 12 pikë pas 12 javësh dhe një nga arsyet e këtyre rezultateve janë edhe mungesat e shumta që kanë pasur në këtë sezon. Tashmë s’ka më justifikime dhe Mehmeti do të jetë me “artileri” të rëndë ndaj Erzenit ku është i detyruar vetëm për 3 pikët.
