Ish-kryeministri Sali Berisha ka reaguar sot për mungesën e kryeministrit Edi Rama në ceremoninë e organizuar për 7-vjetorin e Shqipërisë në NATO. Në vend të kryeministrit dje, ashtu edhe siç u duk ishte kreu i Bashkisë, Erion Veliaj.
Sipas Berishës, kreu i qeverisë Edi Rama nuk mori pjesë në ceremoninë e organizuar me këtë rast pasi 7 vjet më parë loboi kundër anëtarësimit të vendit në aleancën ushtarake. Në vend të fliste për NATO, Berisha thotë se Kryeministri paraqiti para deputetëve të PSsë kreun e Bashkisë Kavajë, Elvis Roshi si shembull për t’u ndjekur. Berisha thotë se Rama nuk fliste dot për NATO-n se uli buxhetin për ushtrinë nga 2% të PBB në 0.84%.
STATUSI I PLOTE I BERISHES
Të dashur miq, dje ishte një ditë historike për Shqipërinë dhe shqiptarët, madje, pas shpalljes se pavarësisë, dita më e rëndësishme për sigurinë dhe ekzistencën e tyre.
Partia Demokratike do të ishte forca e parë politike në historinë e Evropës ish-komuniste që do kërkonte që javën e parë të themelimit të saj anëtarësimin e vendit në NATO, qeveria e dalë nga zgjedhjet e 22 marsit të vitit 1992 do të firmoste ndër më të parat nismën e Partneritetit për Paqe me Aleancën e Atlantikut të Veriut dhe vendoste me të një bashkëpunim të gjithanshëm e të shkëlqyer.
Me rikthimin në pushtet me votën e lirë të shqiptarëve në vitin 2005, qeveria e koalicionit të PD ndërmori të gjitha reformat e mëdha dhe jetike të planit të veprimit për anëtarësimin e vendit dhe me mbështetjen e madhe e direkte të Presidentit Bush dhe qeverisë së SHBA realizoi 7 vjet më parë ëndrrën e madhe euro-atlantike të dhjetorit 1990, anëtarësimin e Shqipërisë në Aleancën më të madhe dhe më të fuqishme të lirisë që kohërat kanë njohur më parë.
Autoritetet zyrtare zhvilluan dje një ceremoni me rastin e 7-vjetorit të anëtarësimit të Shqipërisë në NATO. Edi Rama nuk kishte kohë të merrte pjesë dhe të fliste në këtë ditë historike. Ai zgjodhi që, në vend të një fjale në këtë ceremoni, të merrej me adhurimin e Rroshit dhe paraqitjen e tij si shembull frymëzues për të zgjedhurit e PS.
Por në të vërtetë Rama nuk foli dot dje dhe i mbeti Rroshi në gojë sepse:
Ai, si neo-bllokmen, 7 vjet më parë, në nderim të etërve të tij shpirtëror bëri gjithçka që Shqipëria të mos anëtarësohej në NATO.
Edvin Kristaq Rama loboi fuqishëm dhe mashtroi shqiptarët se gjoja senati amerikan nuk do miratonte anëtarësimin e Shqipërisë, ndërkohë që vetëm pak ditë pas këtij trillimi senati i SHBA votoi unanimisht pro vendit tonë.
Ramës dje i mbeti Rroshi në gojë, sepse 7 vjet më parë, një ditë pas anëtarësimet të Shqipërisë në NATO, ai organizoi në Tiranë kundër këtij akti madhor historik, mitingun e protestës me portrete të Enver Hoxhës në sheshin “Skënderbej”.
Edi Ramës i mbeti dje Rroshi në gojë, sepse ai sapo u bë kryetar i qeverisë së aleancës së qelbësirave, në kundërshtim flagrant me detyrimet e vendit ndaj NATO-s uli buxhetin për ushtrinë nga 2% të PBB në 0.84%
Rama nuk flet dot për NATO-n sepse aeroportet dhe portet e Ushtrisë i vuri në dispozicion të klaneve të tij të drogës! sb
