Shqipëria arriti të kualifikohej në “Euro 2024” si e para ne grup, por i mbylli këto kualifikuese me një ndeshje të turpshme pikërisht në stadiumin e tej mbushur me tifozët që prisnin “qershinë mbi tortë”.
Jo vetëm rezultati i papritur por ajo që zhgënjeu më shumë tifozët ishte loja skandaloze e lojtarëve duke ngritur akoma edhe më shumë hije dyshim për trukim të ndeshjes.
Ishujt Faroe një përfaqësuese mediokër që jo pak herë e shikojmë të humbasë me çdo kundërshtar me rezultate të thella. Kuqezinjtë zhvilluan një lojë katastrofë përballë kundërshtarit më të dobët të grupit të cilët para ndeshjes me Shqipërinë kishin grumbulluar vetëm 1 pikë në këto eliminatore.
Pas 90 minutave “shëtitje në fushë”, njëri pas tjetrit lojtarët deri tek Sylvinho me intervistat e shkurta filluan të justifikoheshin për lojën katastrofë që zhvilloi kombëtarja kuqezi.
Por dështimi vijon…Pas ndeshjes se sotme kundër Ishujve Faroe, FSHF kishte njoftuar tifozët që të qëndronin për të festuar pasi kishin përgatitur një feste “madhështore”.
Organizimi nga FSHF rezultoi një dështim i plotë duke mos ngjallur asnjë emocion dhe dëshirë që tifozët të festonin këtë moment historik të ekipit kombëtar.
Ata braktisën festën “fasadë” dhe të turpshme të Federatës aq sa moderatori u detyrua ta kalonte sa me shpejt me justifikimi se është shumë ftohtë.
“Duhet ta mbyllim sa më shpejt sepse është shumë ftohtë” tha moderatori ndërsa stadiumi ishte boshatisur përveç Armand Dukës që qëndronte në shkallët e tribunës për të vëzhguar me siklet sesi dështonte brohoritja e moderatorit ndërsa ovacionet e tifozëve mungonin sepse “Air Albania” u boshatis.
