Policia italiane ka goditur një bandë italo-shqiptare që vepronte kryesisht në Italinë qendrore; në Sardenjë, Liguria, Emilia Romagna, Marche dhe Abruzzo.
Mediat e huaja bëjnë me dije sot se si rezultat i operacionit janë arresuar 40 persona.Dyert e burgut janë hapur për 22 persona, 18 janë në arrest shtëpie. Në krye të grupit kriminal ishte një burrë nga Quartu Sant’Elena (qyteti metropolit i Cagliarit) që menaxhonte marrëdhëniet me Spanjën për importin e hashashit dhe me Shqipërinë për inportin e kokainës. I njëjti person, sipas hetuesve, ka koordinuar dy grupe të tjera kriminale, një që vepronte në Quartu dhe merrej me trafik droge në zonën e Cagliarit dhe një në Sassari.
Gjatë hetimeve, të cilat kanë zgjatur disa muaj, janë sekuestruar sasi të mëdha hashashi, marijuane dhe kokaine.
